Жорий йилнинг 6 сентябрь куни Транспорт соҳаси кадрларини қайта тайёрлаш ва малакасини ошириш институтида Халқаро муҳандис-консультантлар федерацияси “FIDIC” раҳбар ва ходимлари Ольга Цой, Хадича Тошева, Феруза Бобокуловалар билан Институт раҳбарияти ва ходимлари иштирокида учрашув бўлиб ўтди.

Учрашув давомида томонлар ҳамкорликда амалга ошириладиган ишилар юзасидан фикр алмашдилар. Жумладан, Халқаро муҳандис-консультантлар федерацияси “FIDIC” билан ҳамкорлик, федерацияга аъзо бўлиш, шунингдек Транспорт вазирлик ҳузуридаги Транспорт назорати инспекцияси ва Автомобиль йўллари қўмитаси ходимларини халқаро муҳандис-консультантлар федерацияси талаблари асосида малакасини ошириш бўйича ўқув дастурларини ишлаб чиқиш ва малакасини ошириш масалалари муҳокама қилинди.

Учрашув якунида ҳамкорликда ўзаро манфатли лойиҳаларни амалга оширишга келишилди.